Stjórn FHD hefur lagt veglega dagskrá næsta árs fyrir stjórn HRFÍ og það er von okkar að hún verði samþykkt og að við getum kynnt hana snemma á næsta ári.
Verið er að reikna út stigahæstu hunda ársins sem er að líða, áformað er að listarnir komi hér inn um helgina og síðan verða hundarnir heiðraðir í byrjun næsta árs.
Opnu hús deildarinnar munu hefja göngu sína eftir áramót, þar sem dagskrá verður fjölbreytt og heitt á könnunni að venju.
Tvær nýjar hundategundir hafa bæst við flóru deildarinnar en það eru Pudelpointer og Bracco Italiano, ein tegund til er í einangrun eða Korthals Griffon og verður gaman að sjá þessar þrjár nýju tegundir taka þátt í störfum deildarinnar.